فنجان كلام
دبلت ورود الأرض العفية
بين صحارى الجوع والندم
والفرجة ع الممنوع
ونقوش اللحظة الوقتية
الماشية ف مشوار معلش
ويا فناجين الشاى المليانة حكاوى
ومسقية كلام معسول
بأيادى مشبك فيها
الصوت الفاضى بسهم يا ريت
ويا رغبات الطرق المرمية ف يمكن
وبتدارى ف الروس المطاطية هواها
ورامية ف تروس الساقية السوس
ممقوتة دقايق أمنياتك
ف سنين مرعوشة
وتايه منها الذاد
ولأمتى التوهة
ولأمتى بعاد
ليست هناك تعليقات:
إرسال تعليق