براهين الحقايق
التطبع عمره ما يسود للنهاية
إنما طبعك مطاوعك م البداية
مهما بتحاول تغير شكل روحك
مهما تتظاهر وتدارى ف جروحك
شرك الحاكم لنفسك
ليه بيفرض لك وجودك
كنت حاسة إنك بتكذب
أو بتتجمل وتهرب م الحقيقة
كل ما أقرب وأتناسى اللى عدا
ألقى قلبى شدنى والصدق هدى
يرمى براهين المعالم
اللى فارده نفسها بينى وبينك
وأنت فاهم وأنت عالم
إنى غيرك
إنى مش مرتاحة قربك
حتى روح أسأل ضميرك
خطرك الدايم ف قلبك
هوه ليلك
أوعى لا يغرك بشكله
أنت مش دارى بمصيرك
بس أنا قررت أبعد
مهما تبكى مهما تتحايل وتوعد
مهما تحلف أو تأكد
إنك أتغيرت
أبداً مش حاصدق
أن طابعك يوم يطاوعك
ويبقى ضدك
ليست هناك تعليقات:
إرسال تعليق