النيل واعدنى
النيل صفا.. وعفا.. وقدر
النيل واعدنى
شبك مسافات القدر
لما عاهدنى
زاح الشتا وكل الخريف المنتظر
كل العواصف قاومته
قادر طواها بقوته
ميزنى عن كل البشر
توجنى ملكة لعزوته
صوته وتاريخه وفرحته
غير مسافات امتداده واهتدى
أهدانى صباحات القبل
لما قبل إنى أكون فى صحبته
صحصح فدادين الزهور
يا نيل ونور قلبك جسور
وكتبتنى فوق السنين ورسمتنى فوق الصخور
وسقتنى ورد .. شمس ومطر
وحياة ووجد .. وميلاد جديد
النيل صفا.. وعفا.. وقدر
النيل واعدنى
ليست هناك تعليقات:
إرسال تعليق