نبيل المشاعر
إهداء إلى الفنان الراحل: نبيل البقلى
قلوبنا اللى حبت الطير والحمام
بعتالك رسايل من حب وسلام
يا نبيل المشاعر يا لحن الحنين
دى قلوبنا المسافرة
ف أحضان السنين
بشوق ذكريات
بترجع بفنك زمانا اللى فات
يالمه صحابك بتردد كلامك
يا شمعة ما بيننا تنور ظلامنا
شواطئ لروحنا تفيض بالحياة
وطوق النجاة
يا نبيل المشاعر
مسافات تعدى تسافر ف يومنا
وقمرك يناجى ويمحى شجونا
كتبتك جواب
سطوره تدندن ما بين السحاب
قصايد شموسها على كل باب
وليلها نجومه ف عمر الى غاب
نبيل المشاعر
يا فجر الحبايب يا بركان حنان
بيحلا ودادك ف لمة زمان
خيوطك بتغزل ف فرح المكان
يالحظة بتهمس بعطر وأمان
نوارس ترفرف ما بين البحور
تنادى الغريب الأمير الصبور
تسجل حقايق تلضم ساعاتنا
وتملاها نور
يا كروان يغرد ما بين الصدور
نبيل المشاعر
باعتين لك رسايل
بشوق الكلام
وهمس المنام
من حب وسلام
باعتين لك رسايل من حب وسلام
ليست هناك تعليقات:
إرسال تعليق