باسافر ف التمنى
باسافر ف التمنى
أدور ع الحقيقة
وباركب قطر عمرى
ف غفلة الدقيقة
بركان حماس يعدى
بطيور ملهاش جناح
مصبوبة ف صبر دايما
بينادى ع الصباح
يا عش مالوش زوايا
وسقفه من قزاز
مبنى وسط النوايا
ما بين الاهتزاز
هشه يا روح دفينه
مدبوحة بالانتظار
لا قادرة تكونى واحة
ولا قادرة ع المرار
يا أمنيات كتيرة
ف الزحمة رحتى فين
دايما عمرك رهينة
بين رؤية وجملتين
حب الحياة تعبنا
ودوانا ف البعيد
نتعايش ف التمنى
يمكن بكرة السعيد
يرمح وسط الثوانى
وينبش ع الساعات
بس المتناقضات
قاعدة وسط التفاؤل
بتقول الأرض بور
وكأن الدنيا ديّا
مفروشة بالقبور
ما فيهاش ولا فرع نور
والطير مبقاش يغنى
وبيدور ع الحقيقة
ويسافر ف التمنى
يمكن يلقى المكان
ويحلم بينا واقع
جواه كل الدوافع
من غير ولا يوم تجنى
ونسافر ف التمنى
ندور ع الحقيقة،،
ولامتنى من كتر الصمت
صوبت الألف المسنونة
كسيف متقاد برعونة تشق الأرض
المفروشة على صدر الخوف
غنيوة تتلحن ويا الدم الغاير
ف العمر المشتاق لسعادة
ليست هناك تعليقات:
إرسال تعليق